Новости

Райондук  «УЛАР  ҮНҮ  2022»  сынагынын  жеңүүчүсү  5-класстын  окуучусу  Бакасова  Нурзат  облустук  баскычка  чыгып,  чоң  гала  концертке  катышты.  Курманбек  дастаны  ырын  аткарды.

Жеке  ишкер,  демөөчү    Назарбекова  Анара  спортзалды  талапка  ылайык  жасалгалап  берди.    окуучуларыбыз  ойногонго  бардык  шарттар  тузүлгөн.

мектептин  мугалимдери  райондук  кароо  сынакка  катышып,  воллейбол,  шашки,  теннис,  шахмат  боюнча  катышып,  өздөрүнүн  активдүүлүктөрүн  көрсөтүшүп,  алкоогоо  ээ  болушту.

Окуучулар  ата-эненин,  мугалимдин  коштоосунда  Буранага  экскурсияга  барышты.  Бул  экскурсия  тарых  сабагына  байланыштуу  болду.  Окуучулар  Бурананын  айланасындагы  бал-бал  таштарды,  музейди,  көргөзмөлөрдү  көрүп,  кызыктуу  маалыматтарды  өз  көздөрү  менен  көрүп  келишти.

Мамлекеттик  тил  күнү  мектепте  ачык  сааттар,  тарбиялык  сааттар  өткөрүлдү.  Мындан  тышкары  6-7-8-класстын  окуучулары  «Эне  тилим-менин  тилим»  деген  темада  кыз-жигиттер  ортосунда  «Сармерден»  оюну  ойнотулду.  Мында  окуучулар  кыргыздын  каада — салт,  үрп-адаттарынан  чагылдырышты.

Мектеп  ашканасы  МЕРСИКО  тарабынан  жаңыланып,  окуучулар  ысык  тамак менен  камсыздандырылды.  Ашкана  бүгүнкү  замандын  талабына  ылайык  жасалгаланган.  Ашпоозчу  Молдалиева Чынара  МЕРСИКО  тарабынан  курска  катышып,  азыркы  күндө  окуучуларга  талапка  ылайык  тамактарды  жасап  жатат.

2019-жылы  мектептин  окуучуларды  РДЮЦЭКТ  тарабынан  өткөрүлгөн  сынакка  катышып,  республикалык баскычта  биринчи  орун  ээлеп,  кубок,  грамота  жана  белектер  менен  сыйланышты.  Бул  сынакта  окуучулар  активдүүлүктөрүн  көрсөтүштү.  калыстар  тарабынан  алкоого  ээ  болушту.